سلملى على زيادة المرتبات

طبعا زى ما منى الحسينى قالت انبارح ان ارتفاع الاسعار هايظهر غدا وطبعا قصدها على انهاردة

اكيد كلنا لاحظنا ان الاسعار غليت الضعف تقريبا والحمد لله

الجاز غلى وابن عمه البنزين شرحه والسجاير بقت ما شاء الله زى الفل غليت وبقت تمام
الجاز غلى 45 قرش يغلو قصداها السجاير 2 و3 جنيه يعنى الجاز بقى 1.10 دى للتر والسجاير دلوقتى ملبوروا بدل ما كانت 7.5 بقت ب10 جنيه والروزمن بدل 5.5 بقت ب7 جنيه حته كوكو الضعيف متحرمش من الغلاء كليوباترا بوكس بدل 2.5 بقت 3 جنيه وكوكو الضعيف بدل 2.25 بقى 3 جنيه دى باقى الانواع والى منهم نوع مستورد اسمه كاميل دى كان (كان دى اقصد بيها انبارح يعنى مش بعيد ) 13 جنيه دلوقتى والحمد لله بقت 20 جنيه وصاحب كشك السجاير بيتنطط عليك ويحسسك انه بيبعلك حاجة مش موجودة

طبعا ربنا يخلى مصر وشعب مصر وحكومة شعب مصر

الناس عملت اضراب راح الرئيس والحكومة شاكرين معافين زودوا اجور العمال 30 فى الميه طبعا مش هانتكلم عن النسبه دى لان الناس خدت لارقم ومخدوش مضمون الرقم دى انه هايبق فى كادر خاص فى المرتب لوحدة يعنى مش هايضاف للارباح ولا المعاش يعنى من الاخر اعتبرة مكافاة كل شهر ومتزودهاش على المعاش ولا حته مرتبك الاساسى
يزود 30 فى الميه يرفع الاسعار 50 فى الميه يا حالولى يا حالولى


تحيا مصر يا ارض اللوا ولسه هانشوف فيكى يا ارض الحضارة